Ferill 197. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 485 — 197. mál.
Svar
háskóla-, iðnaðar- og nýsköpunarráðherra við fyrirspurn frá Gísla Rafni Ólafssyni um störf við stóriðju og sjókvíaeldi.
1. Hversu margir hafa starfað við stóriðju frá árinu 2000, sundurliðað eftir árum og sveitarfélagi?
Byggt á greiningu Hagstofu Íslands úr staðgreiðslu- og mannfjöldagögnum var fjöldi starfandi í ISAT-flokknum önnur iðnaðarframleiðsla, án fiskvinnslu á árunum 2008–2022 eftirfarandi:
Ár | Fjöldi |
2008 | 15.039 |
2009 | 13.202 |
2010 | 12.915 |
2011 | 13.134 |
2012 | 13.303 |
2013 | 13.384 |
2014 | 13.627 |
2015 | 13.896 |
2016 | 14.295 |
2017 | 14.463 |
2018 | 14.798 |
2019 | 14.296 |
2020 | 13.304 |
2021 | 13.379 |
2022 | 13.859 |
Birt vinnumarkaðsgögn Hagstofunnar, sem ná aftur til ársins 2008, aðgreina ekki sérstaklega störf við stóriðju og eru ekki flokkuð eftir sveitarfélögum.
2. Hversu margir hafa starfað við sjókvíaeldi frá árinu 2000, sundurliðað eftir árum og sveitarfélagi?
Stjórnarmálefnið sjókvíaeldi fellur utan málefnasviða háskóla-, iðnaðar- og nýsköpunarráðuneytis samkvæmt forsetaúrskurði um skiptingu stjórnarmálefna milli ráðuneyta í Stjórnarráði Íslands, nr. 6/2022.